“आवयभास”
तूवें म्हाका ल्हानाचो व्हड केलो
तूकां घरातल्यान वचूंक हांव दिवचोना
तुगेले पूत म्हज्या आंगार धावन येंवदीं
तांचेकडे झगडूंक हांव भिंवचोना
इतको तेप सगळ्यांच्या तोंणार तुजेंच नाव घोळटालें
आता अकस्मात तुं किद्याक नाका जाली?
म्हज्या भावानीं आनी भयणींनीं तुंका खोंटायलीच
आनी तांका सामील जालो घरचो मुखेलीय.
तुजीय परीस्थिती तीच जाल्या
जी दर जाणट्या आवयची आसता
भुरगेपणानूच तुजी गरज भासता
मागीर आवय म्हणपाकूय लज दिसता.
हांव मरसर म्हांका तुजी गरज लागतली
म्हज्याभशेन म्हज्या भुरग्यांक तुवेंच व्हड करुंक जाय
म्हांका इंग्लिश फ़ॅक्ट्रितलीं मशींनां नाका
तुजे संस्कार जाल्लीं मनशां जाय
सपन 